Areetako Mesedeetako Ama elizaren ondoko jolas-gunea berrituko dute

Mesedeetako Ama elizaren ondoko parkearen jolas-gunea berrituko dute. © GETXOKO UDALA

Areetako Barria kaleko jolas-gunea berritzen hasi da Getxoko Udala, Mesedeetako Ama elizaren ondoan kokatuta dagoena. Aurreikusi dutenez, lanak aste-akabu honetarako amaituko dira, eguraldiak laguntzen badu.

Aipatutako aldean jolasteko dauden elementu guztiak berrituko dituzte, inguru osoko zoladura indargetzailea zaharberritzeagaz batera. Lanak 48.000 euro inguruko zenbatekoan esleitu dira eta abenduaren zubirako amaitzea aurreikusten da, eguraldiak horrela baimentzen badu.

Jarduera Areetako hainbat jolas-gune berritzeko planaren barruan sartzen da, beren antzinatasunagatik eta egoeragatik, zaharkituta geratu direlako eta horregatik zaharberritzea behar dutelako.

Etorkizuneko beste jarduera batzuk

Lan horien ondoren,  Areetako Gobela, Santa Ana eta Novia Salcedo kaleen artean jolasteko dagoen aldea berriztuko da eta baita Itzubaltzeta/Romoko Santa Eugenian, Particular Alonso eta Urkizu kaleen artekoa konpontzeko ere. Biak 2018ko Partaidetza Bidezko Aurrekontuan herritarrek egindako eskaeren ondorioa dira.