EAEko eta Kataluniako emakumezkoen boleibol talde onenak batuko dira aste-akabu honetan Faduran. Bertan, abenduaren 7tik 9ra, Getxoko 11. Emakumezkoen Boleibol Txapelketa jokatuko da, Gotzon Bilbaoren oroimenez.
Aixerrota BKT klubak antolatu du ekimena, 16 eta 19 urtez azpiko talderik onenak elkar lehian ipintzeko asmoz. Getxo Kirolak udal-erakundearen babestu du jarduera. Etxeko taldeagaz batera, honako klub hauek ere izango dira txapelketan: aurten 30. urteurrena ospatzen dabilen Kataluniako Sant Cugat, Donostiako Fortuna, Galdakao eta Lekeitioko Marierrota boleibol-taldea.
Partiduak jokatuko dira honako ordutegietan: barikuan, 18:30etik 21:30era; zapatuan, 09:00etatik 21:30era; eta finalak domekan, 09:00etatik aurrera. Sarrera librea izango da.
Ekimenaren kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
