Kirolak  Getxo 2018-12-06 13:03

Getxoko Kroserako izen-ematea zabaldu du Itxas Argiak

Urtero legez, abenduko azken domekan Getxoko Krosa antolatuko du Itxas Argia elkarteak; hala, aurten, abenduaren 30ean izango da 37. edizioa. Bi lasterketa egongo dira: umeena eta nagusiena. Inskripzio-orria daborduko bete daiteke online, Algortako Kantxa Kirol Moda dendan edo Itxas Argiaren lokalean.

Getxoko Kroserako izen-ematea zabaldu du Itxas Argiak
Getxoko Krosaren umeen lasterketa, artxiboko irudian. © ITXAS ARGIA | Ikusi handiago | Argazki originala

Antolatzaileek jakinarazi dutenez, probaren egunean bertan ere izena eman ahal izango da, goizeko 10:15ean. Tartean Itxas Argiako lokalean inskribatu gura dutenek astelehenetan eta eguaztenetan egin ahal izango dute, 19:00etatik 21:00etara. Ordutegi horretan ere dortsalak jaso ahal izango dira.

Krosa goizeko 10:30ean hasiko da, umeen 2.500 metroko lasterketagaz, Andra Mari kiroldegian. Izan ere, leku hori irteera eta helmuga izango da. Umeen proban parte hartu ahal izango dute 2005ean zein geroago jaiotakoek.

Ordu erdi beranduago hasiera emango diote lasterketa nagusiari. Maila denek beteko dute 8.800 metroko ibilbidea, halere sariak mailaka emango dituzte gero. Ibilbidea honakoa izango da: Andra Mari kiroldegia, Maidagan eta Torrebarria kaleak, Goñi, Tosu, Martiturri, Perune eta Moreaga estratak, Zientoetxe errepidea, Azkorriko parkinga, Galeako pasealekua, Itsasargirako errepidea, Santa Marina haitzak, Bostgarrena eta Gustavo Adolfo Becquer kaleak, Aingeruaren Etorbidea eta Andra Mari kiroldegia.

Ekimenaren kartela

2018/12/30 10:30

Andra Mari kiroldegia Getxo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa