Jendartea  Getxo 2018-12-11 08:25

Cabacas auzian justiziarik egon ez dela salatuko dute egunotan

Cabacas auziaren epaian "justizia alde batera utzi dela" salatzeko, Getxoko hainbat eragilek elkarretaratzea deitu dute eguaztenerako, hilaren 12rako, Getxoko epaitegien aurrean, 19:00etan. Hurrengo egunean, eguenean, aldiz, manifestazioa egingo dute Itzubaltzeta/Romon, Santa Eugenia plazatik abiatuta, 20:00etan.

Cabacas auzian justiziarik egon ez dela salatuko dute egunotan
Iñigo Cabacasen aldeko manifestazioa, artxiboko irudian. © ECUADOR ETXEA | Ikusi handiago | Argazki originala

Bizkaiko Lurralde Auzitegiak urte biko espetxe zigorra eta lau urteko inhabilitazioa ezarri dio Cabacas auzian nahastutako Juan Jose de Pablo ertzainari. Zigor horregaz, ertzain arduradun nagusiak ez du espetxea zapalduko, ezta bere lanpostua utzi beharko ere, daborduko erretiroa hartuta duelako. Gainerako bost agenteak absolbitu egin ditu epaileak.

2012ko apirilaren 6an, Ertzaintzak botatako gomazko pilotakada batek jota hil zen Iñigo Cabacas Athleticeko zalea. Handik sei urtera, sei agente akusatuen aulkian eseri ziren, zuhurtziagabekeria larriko giza hilketa egotzita.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa