Eguenean, abenduaren 13an, XXV. Boluntariotza Topaketa egingo du Sarekide Getxoko boluntariotza erakundeen elkarteak, Getxoko Udalaren laguntzagaz. Saioa Romo Kultur Etxeko batzar aretoan izango da, 18:00etan hasita.
Oraingoan, saioaren hasieran hurrengo bi hitzaldi izango dira: "Una mirada histórica al movimiento asociativo en Getxo", Enrique Sacanell aldaketa prozesuetan eta lidergoan adituaren eskutik; eta bestetik, "El Voluntariado transformador. ¿Vinculamos las personas al cambio social?" izenekoa, Natxo Arnaiz Boluntako koordinatzaileagaz.
Solasaldien ondoren, urtero bezala, urteko pertsona eta entitate boluntarioen sariak emango dira. Mokadu batek ipiniko dio amaiera ekitaldiari.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!