Politika  Getxo 2018-12-12 15:58

Bilboko alkategaia izango da Raquel González popularra

Raquel González Getxoko zinegotzi eta Bizkaiko PPren presidentea Bilboko alkatetza lortzen ahaleginduko da, datorren maiatzeko udal-hauteskundeetan.

Bilboko alkategaia izango da Raquel González popularra
Alonso eta González aurkezpen-ekitaldian. © BIZKAIKO PP | Ikusi handiago | Argazki originala

Gonzálezek joan den astelehenean iragarri zuen erabakia, Alfonso Alonso EAEko PPren presidenteak lagunduta. Getxoko zinegotziak azaldu zuenez, "ohore eta erantzukizun handiz hartu dut nire gain Bilboko Alkatetzarako hautagaitza... Prest gaude hiriari beste aire bat eta bilbotar denei proiektu onena emateko!". Aurreko hauteskundeetan, hautagaia Luis Eguíluz izan zen; urte berean, Bilboko PPren presidente izateko hautatu zuten Eguíluz.

Alonsok goraipatu zuen Gonzálezen ahalmena, berak "Bilbok behingoz emakume bat alkate izan dezan" lor dezakeelakoan. Arabarrak ez zuen kontuan hartu Pilar Kareaga alkate izan zela 1969 eta 1975 bitartean, Frankismoan. Bestalde, Alonsok eskertu zion Bilboko PPren udal-taldeari egindako "Lan bikaina".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa