Praxedes Bedoya de la Fuente emakume algortarrak ez ohiko urte-kopurua ospatu du gaur bere etxean: ehun urte bete ditu.
Gertaera berezi hori dela eta, ehun urteak bete dituen andreak bisitan jaso ditu Imanol Landa Getxoko alkatea, Elena Coria Gizarte Zerbitzuetako zinegotzia eta Bizkaiko Foru Aldundiko ordezkari bat, gaur eguerdian.
Praxedes Bedoya de la Fuente Palencian jaio zen, eta Bilbon bizi ondoren, orain Getxon du bizilekua. Alaba bat eta seme baten ama, hiru iloba eta biloba bat ere ditu. Ohi legez, agintariek Aixerrotaren oroigarria eta lore sorta bat eman dizkiote auzokideari.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!