Algortako Jeneratxu parkea egokitzeko lanak esleitu dituzte

Uztailaren 10ean inauguratu zuten Algortako Portu Zaharreko igogailua. © GETXOKO UDALA

Getxoko Gobernu Batzordeak Algortako Portu Zaharreko Jeneratxu parkea egokitzeko lanak adjudikatu ditu, 165.685 euroko aurrekontuagaz (BEZ barne). Jarduketa urtarrilean zehar abiatuko dute eta hiru hilabeteko epea egongo da lanak amaitzeko.

Proiektuak eremu horretatik ibiltzen direnen irisgarritasuna eta segurtasuna hobetzea proposatzen du, udal-iturriek diotenez. Hori dela eta, parkean gaur egun dauden egoteko eremuetako sarbideak aldatuko dira, irisgarriagoak izan daitezen. Parkea Portu Zaharreko zelaiguneagaz lotzen duen igogailutik hurbilen dagoen egoteko eremu ezponda berde legez utziko da, okertuta dauden hormak egonkortu ondoren.

Halaber, gainontzeko egoteko eremuetan dauden hormak ere egonkortuko dira. Horietan sartzeko arrapalak ipiniko dira, Jeneratxuko oinezkoen bideak duen antzeko akaberagaz; eta babes-barandak edukiko dituzte, eskubandakaz. Parkeko egoteko eremuen akabera berdegune itxurakoa izango da eta horietan bankuak ipiniko dituzte, eta argiteria publiko berria eta drainatze sistema instalatuko dira.

Hurrengo gertaera garrantzitsua igogailua izango da, Usategi kafetegiak eta pasealekuak ondo aprobetxatuko dutena. Proiektuaren idazketa datorren urtarrilerako egongo da amaituta.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun