Getxoko Udalaren aginduz, datorren astean hasiko dira Maidagan kaleko 33. zenbakiko eraikina eraisteko lanak eta etxe hori kokatuta dagoen orubearen garbiketa; izan ere, lursaila egokituko dute ondoren Eusko Jaurlaritzari emateko, horren menpekoa den VISESA sozietate publikoaren bitartez, babes ofizialeko 64 etxebizitza eraikitzeko.
Lan horiekaz batera, Venancio Etxebarria kalean orube bat urbanizatzen dabiltza; bertan, VISESAk 54 BOE altxatuko ditu, etxebizitza libreakaz batera.
Bi jarduketak, Udalaren eta Eusko Jaurlaritzaren arteko eskualdatzearen emaitza dira; horren arabera, lehenengoak Maidaganeko eta Venancio Etxeberriako aipatutako orubeak eman zizkion bigarrenari BOE etxebizitza eraikitzeko; horren truke Jaurlaritzak Itzubaltzeta/Romoko Santa Eugenia kalean gaur egun kokatuta dagoen aparkalekuaren azalera eman zion Udalari.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
