15.000 pertsona baino gehiago bertaratu dira 2018an Begoñako galerietara, Getxoko Udalak aditzera eman duenez. Iaz 100 urte bete ziren galerien proiektua diseinatu zutenetik. Hori dela eta, 100 ekimen antolatu ditu bertan Udalak 2018an, GetxoPhoto, UPV/EHUren Zientziaren Astea, Mikroantzerkia eta Ondareari buruzko Europako Jardunaldiak besteak beste
Jatorriari dagokionez, galeriak bisitatu dituztenen %65 Euskal Autonomia Erkidegoko biztanleak dira, horietatik gehienak bizkaitarrak. Aipatzekoa da, bestalde, Estatuko hainbat autonomia erkidegotako bisitariak izan direla, hala nola Andaluzia, Katalunia, Madril eta Gaztela eta Leon.
Daborduko aretoa iragazgaiztu dute, goiko eremuan Abrako badiaren gaineko behatokia eraiki dute eta hego-mendebaldeko galeria gaitu dute. Egun, abian dago leihateak finkatzeko obra. Arotzeria han bertan landuko da; honenbestez, bisitariek eta tailer didaktikoko parte-hartzaileek obraren xehetasunak ikusi ahal izango dituzte bertatik bertara.