Wanted Ideien Lehiaketaren 10.edizioan hautatuak izan diren proiektuak ezagutzera eman ditu Getxoko Udalak.
"Oreka" izeneko lana aurkeztu du Denis Ugaldek. Elikagaiak berreskuratzeko B2B zerbitzua eskaintzen duen proiektua da, eta 7.500€ jasoko ditu. Tamar Gigolashivilik, bestalde, gastronomiaren eremuko berrikuntza-proiektua sortu du. "Osito&Co" izena du, gominola alkoholdunak merkaturatzean datza, eta 10.500€ jasoko ditu.
“Hondale” fikziozko film laburra da eta Getxoko udalerriari ikusgaitasuna emateaz gain, urteak nola igarotzen diren lantzen du. Sustatzailea Ainara Mentxaka Rodriguez da eta 7.385€ jasoko ditu. Ane Lopez Letonak, bere aldetik, pertsona adinduen kontakizunari balioa eman eta "Komunitatea Hartu" izeneko proiektua aurkeztu du, gizartearen transmisioa berreskuratzeko helburuaz. Belaunaldien arteko tailerrez eta argazki-erakusketaz baliatu da horretarako, eta 5.115€ jasoko ditu.
Azkenik, “GetxoEXP” proiektu soziokulturala sortu dute Itxaso Bereistegi Hoyos eta Karla Crego Cordónek. Hainbat gaien inguruan (dantza, kaligrafia, argazkia...) esperientziak nahiz erakusketak sortzeko ekimena da, eta 10.000€ jasoko ditu.