Lanen iraupena bi urtekoa izatea aurreikusita dago. Otsailean hasiko dira aparkalekua eraikitzen, hala ere, urtarriletik aurrera hainbat lanetan arituko dira, besteak beste: obrako itxiturak jarriko dituzte, argiteria publikoa kenduko dute eta parkean dauden zuhaitz espezieak, ahal direnak, beste toki batzuetan birlandatuko dituzte.
Aparkaleku horren eraikuntza Algortako hiriguneko bidea berrantolatzeko proiektuaren parte da, Getxoko Udal Gobernuaren (EAJ/PNV eta PSE-EE) eta PPren arteko akordioaren emaitza dena. Horretarako, 3.899.830€ko aurrekontua esleitu du Tokiko Gobernu Batzarrak.