Bela-estropadako denboraldiari ekingo diote aste-akabuan Getxon

J80 motako ontzien estropadak ©GETXOKO REAL CLUB MARITIMO DEL ABRA - REAL SPORTING CLUB

Getxok hartuko du 2019an J80 motako belaontzien Munduko Txapelketa, 2017an hautatu zuten moduan.

Getxoko Real Club Marítimo del Abra - Real Sporting Club itsas klubeko estropada denboraldiari ekingo diote urtarrilaren 12an. Lehenengo aldiz Garaikur Soziala proba jokatuko dute zapatuan, 12:00etan. Ontzi mota bakoitzeko hiru jardunaldi izango ditu lehiaketak, eta otsailaren 9an erabakiko dira txapeldunak. 

Urtean zehar hainbat norgehiagoka jokatuko dituzte Abran, garrantzitsuena J80 motako Munduko Txapelketa. Uztailaren 13an hasi eta 20an amaituko da, Getxoko uretan. Aurreikusitakoaren arabera, 100 ontzi eta estropadalari inguru bilduko ditu txapelketak.