Jendartea  Getxo 2019-01-09 15:55

Getxoko udalak aniztasunari buruzko "Diversity Advantage" sariketa aurkeztu du

Ekimenak 2019ko otsailaren 15era arte aurkez daitezke, deialdiaren oinarrietan agertzen den fitxa-eredua erabilita.

Bigarren aldiz, aniztasunari buruzko toki mailako proiektuentzako "Diversity Advantage" sariketa aurkeztu dute Getxoko, Bilboko eta Donostiako udalek, Kulturarteko Hirien Sarearekin lankidetzan. Aniztasunaren abantaila ondoen frogatzen eta erakusten duen toki-mailako ekimena saritzea da euren helburua. Horretarako, lehiaketa antolatu dute, eta berebiziko garrantzia emango diote motibazio, ikasketa eta kontzientziazio-prozesuari.

Adierazi dutenez, gizarte zibileko ordezkari politikoak eta, oro har, herritarrak kontzientziatzea dute xede. Aurkeztutako proiektuetan azalduta egon behar du nola jaso dituzten egileek kulturarteko printzipioak. Hala, aukeratutako proiektuan egindako lana baloratu ez ezik, Euskal Autonomia Erkidegoan garatutako ekimen guztien azterketa ere egin gura dute. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa