Politika  Getxo 2019-01-16 11:10

Udal Araudi Organikoa aldatzeko akordioa egin du Udal Gobernuak PP eta Ciudadanosegaz

Hitzarmena onartzeko erabakia urtarrileko Osoko Bilkuran hartuko dute, Udal Araudi Organikoaren (UAO) aldaketak Osoko Bilkuraren hasierako onarpena behar baitu.

Udal Araudi Organikoa aldatzeko akordioa egin du Udal Gobernuak PP eta Ciudadanosegaz
Udal Araudi Organikoa aldatzeko akordioa ©GETXOKO UDALA | Ikusi handiago | Argazki originala

Getxoko Udal Gobernuak (EAJ/PNV eta PSE-EE) akordioa egin du PP eta Herritarrak-Ciudadanos alderdiakaz Udalaren Udal Araudi Organikoa (UAO) aldatzeko. Araudiaren aldaketa hurrengo udalbatzaren agintaldiaren hasieran indarrean egotea aurreikusi dute.

Azaldu dutenez, berrikuntzarik handienak ondorengoak dira:

- Batzorde Informatiboak eta Erakunde Autonomoetako Kontseilu Errektoreak jendaurrekoak izango dira, hiritarrei aukera emanez bertaratu eta parte hartzeko.

- Batzorde Informatiboaren edo Erakunde Autonomoetako Kontseilu Errektorearen gai-ordenari dagokion puntuan interesa duten pertsona edo elkarteek aipatutako puntuan hitz egin ahal izango dute.

- Batzorde Informatibora edo Erakunde Autonomoetako Kontseilu Errektorera etorritako hiritarrek galde-eskeen txandan ere hitz egiteko aukera izango dute.

- Hiritarrei aukera emango zaie osoko bilkuretan mozioak aurkezteko, aldez aurretik udalerriko pertsona helduen %1ek aurkeztuko den proposamena babesten duela egiaztatzen bada.

- Udal erregistroan izena emanda duten elkarteei aukera emango zaie osoko bilkuretan mozioak aurkezteko, aldez aurretik udalerriko pertsona helduen %1ek aurkeztuko den proposamena babesten duela egiaztatzen bada.

- Udalbatzako eztabaiden eta galde-eskeen txandan herritarren parte-hartzearen inguruko arautegi berria (hitz egiteko txandaren denbora finkatu eta arautuko da).

- Udal aurrekontuak onartzeko prozedura berria arautuko da.

- Udal aurrekontuei lotuta Euskadiko Tokiko Instituzioen Legean ezarritako partaidetza bidezko prozesua garatzeko beharra jasotzen da espresuki.

- Bozeramaileen Batzordea arautuko da, orain arte Udal Araudi Organikoan jasotzen ez zena.

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa