Jendartea  Getxo 2019-01-17 18:29

Sahararako elikagaiak batuko dituzte Getxoko udal-kiroldegietan otsailaren 1era arte

Azken urteetan ohi denez, ATFAL elkarteak kanpaina antolatu du elikagaiak eta higiene-produktuak batu eta saharar herriarekiko elkartasunezko karabanan bertara bidaltzeko. Fadura eta Gobelako kiroldegietan utzi ahal izango dira produktuok.

Saharako herritarrek jasaten duten elikadura-krisia arintzen laguntzea da ATFALek, Sahararen aldeko Getxok Elkarteak, aurrera daroan ekimen honen helburua. Getxoko Udalak lagunduta egiten da kanpaina, eta ikastetxeak ere badabiltza produktuak batzen.

Jaki iraunkorrak behar dituzte: arroza, atuna eta sardinak oliotan, azukrea, pasta eta lekaleak. Higienerako gaiei dagokienez, berriz, konpresak eta helduentzako oihalak eroateko eskatzen dute. Informazio gehiago eskuratu daiteke ATFALeri deituta, 658 751 359 telefono-zenbakian.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa