Gerra Zibilaren, lehenagoko gatazka zibilen eta frankismoaren biktimak omendu ditu Getxoko Udalak. “Oroimenaren liburua” eskulturaren ondoan egin zuten elkarretaratzea zapatuan Getxoko Udalean ordezkaritza duten alderdiek, bertara hurreratu diren beste pertsona batzuekaz batera.
“Biktimei errespetua, oroitzapena, eta bihotz-bihotzetiko omenaldia aitortu zaie jendaurrean, adiskidetasuna eta elkartasuna giltzarri dituen aitorpen publikoa izan da”, adierazi du Udalak.
4 txistularik “Agur Jaunak” jo zuten, eta minutu bateko isilunea egin zuten bertara hurbildu zirenek. Amaitzeko, lore-eskaintza egin zuten eskulturaren ondoan.