"Getxoko ingurune naturala: ezagutu eta zaindu ezazu" izeneko jardunaldien barruan antolatu du Udalak tailerra. Hilabetean behin prestatzen ditu ikastaroak, orain arte, naturaren argazkigintza makroaren gaineko tailer bat, eraztunketa jardunaldi ireki bat eta Getxoko Abrako itsas-hegaztiak behatzeko saio bat egin ditu.
Otsailaren 16rako, zapatua, antolatu ditu Udalak jardunaldiak, 09:30etik 13:00etara Erromoko Kultur Etxean.
Kaskabeltzek eta saguzarrek natura-ingurunean betetzen duten eginkizuna azalduko dute tailerrean, eta habia-kutxak aprobetxatuko dituzten espezieen argazkiak erakutsiko dituzte. Habiak muntatu eta apaindu ondoren, identifikazio-zenbaki bategaz pertsonalizatuko dituzte bertaratutakoek, geroago, udalerriko parketan kokatu eta horien jarraipena egin ahal izateko.
Ikastarora joateko ez da beharrezkoa aldez aurretik izena ematea, baina bai gomendagarria. Horretarako, ingurugiroa@getxo.eus helbidera posta bidali edo 944 660 191 zenbakira deitu beharra dago.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
