XVIII. Abra Saria antolatu du Algortako Bertso Eskolak barikuan. Azebarri Kultur Elkartean egingo dute saioa Euskal Herriko sei bertsolarik, saria eskuratzeko lehian. Bertso-afaria ere egingo dute, 20:30ean hasita.
Naroa Torralba (Sopela), Aitor Ugarte (Aramaio), Elixabet Etxandi (Izpura), Gorka Pagonabarraga (Durango), Ane Peñagarikano (Zarautz) eta Xabat Illarregi (Leitza) arituko dira barikuan. Albek esan duenez, eskolarteko lehien ibaia atzean uztea da helburua: “Bertso-plazen itsaso zabalera saltoa egiten lagungarri izan nahi duen saioa izango da”.
Bertso-afarian apuntatzeko albegetxo@gmail.com helbidera idatzi daiteke; edo telefonoz, 605704385 zenbakira deitu. Afariaren prezioa 10 eurokoa izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!