Udalerrian euskara eta gaztelania ikasteko hizkuntza-harrera gida kaleratu du Getxoko Udalak

Euskal Autonomia Erkidegoko hizkuntza ofizial biak ikasteko gaur egun Getxon dauden baliabide publiko eta pribatuen gaineko informazioa eskaintzen du gidak.

Besteak beste, hurrengo gaien gaineko informazioa azaltzen du gidak: euskal heziketa, euskara udal zerbitzua, bekak, euskaltegiak, aisialdia (ludotekak, gaztelekuak, hiri-udalekuak), euskaren aldeko elkarteak, nazionalitate probak, gaztelania klaseak eta hizkuntzak ikasteko Moving Languages izeneko aplikazioa. Udalak adierazi duenez, helburua "atzerriko pertsonei laguntzea" da, "gizarte-integrazio prozesuetan hori oinarrizkoa baita".

Gidaren 1.500 ale argitaratu ditu Udalak, HABetan, Gizarte Zerbitzuetan, etorkinekin lan egiten duten elkarteetan eta ikastetxeetan eskuratu daitezkeenak. Horrez gain, udal-webgunean ere ikusteko aukera dago. Datozen egunotan, "Liburutegiak Topaleku" argitalpen digitala ere eskura egongo da euskaraz, gaztelaniaz, frantsesez, arabieraz, errumanieraz, kurdueraz, txineraz eta ingelesez. Udalaren arabera, "atzerritarren harrera errazten duen argitalpena da".

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun