Otsailaren 23an bete zuen Asier Borrerok Frantziako Estatuak ezarritako zigorra. Mont de Marsango espetxetik atera eta Espainiaratu egin zuten 25ean, Madrilgo Soto del Real espetxean dago orain. Algortako Sorterrira lan-taldeak adierazi duenez, "Espainiak hiru euroagindu inposatu nahi dizkio, eta Espainiar salbuespen legediaren biktima izateko arrisku larrian dago". Hori dela eta, manifestazioa deitu dute martxoaren 1ean, barikua, 19:00etan Algortako Telletxe plazatik hasita.
2009an atxilotu zuten Borrero Pauen (Frantzia), ETAko kide izatea leporatuta. Bederatzi urte eman ditu Paris inguruan dagoen Poissyko espetxean, eta 2018an hurbildu zuten Mont de Marsangora.