Elektromekanika zikloko ikasleek eta irakasleek prestatu dute 1990 urteko Seat Panda. “Ikasleek ilusio handia jarri dute proiektuan, oso pozik eta motibatuta egon dira”, adierazi du Aiestak. Aurten, irakasle bik egingo dute bidaia, eta ideia da datorren urtean ikasle bi joatea. “Aurtengoa proba antzeko izango da”, esan digu maisuak.
Eskola materialean hogei kilogramo eroango dituzte, baita sei ordenagailu ere, Marokoko Ait Ahmed eskolarako. Madrildik abiatuko dira martxoaren 6an, eta Motrilen itsasontziz joango dira Nadorrera. Ostean, 7 etapa egingo dituzte basamortuan.
“Proiektua solidarioa izateak garrantzi handia du. Bestalde, Ikasleentzat ere motibazioa da, ikasketak aurrera eraman ditzaten beste era batean, ilusioarekin gogotsuago egongo dira”, esan digu Ibon Intxaustik, ikastetxeko zuzendariak.