Arrigunagako Landene belargunea egonkortzeko lanak hasi dituzte daborduko

© GETXOKO UDALA

Gaur hasi ditu lanak Getxoko Udalak Arrigunagako Landene belargunea egonkortzeko. Hiru hilabete iraungo dute obrek, eta aurrekontua 248.000 euro ingurukoa izango da.

Bizkaiko Foru Aldundiak 156.275 euro emango dizkio Udalari, aurrez ikusi gabeko laguntzen funtsen kargura, lanak ordain ditzan. Lehenengo faseko obrak gauzatu dituzte daborduko, eta orain, bigarren fasea egiteari ekingo diote.

Magala behin betiko egonkortuko dutela iragarri dute udal-iturriek: “Hormigoizko harri-lubeta bat jarriko da, horma bat ipiniko da, lurpeko materialak hondeatuko dira,  zelaian drainatze-sare bat eraikiko da zonako euri-uren sarearekin lotuko dena, saneamendu-sarea konponduko da eta kaltetutako berdegunea berrituko da”.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun