Korrika

Bizkaia Zubitik igaroko da Korrika, egitasmoa "zubigintza" dela irudikatzeko

Apirilaren 10ean pasatuko da Korrika Uribe Kostatik. Bizkaia Zubira 22:30ak aldera helduko dela aurreikusi dute.

Bizkaia Zubian elkartu dira gaur Korrikaren arduradunak eta Getxoko eta Portugaleteko alkateak, 21. Korrika bertatik igaroko baita. Horren bidez, egitasmoa "zubigintza" dela irudikatu gura dute antolatzaileek, azaldu dutenez, ertz bietako bizkaitarrak lotu izan baititu hasieratik 125 urte bete berri dituen zubiak.

Hala, Bizkaia Zubiak Korrikaren izaera islatzen duela esan du Asier Amondo arduradunak: "Zubiak batzeko dira, elkarlanean aritzeko, eta horixe irudikatu nahi izan dugu gaur hemen". Aurreikusitakoaren arabera, apirilaren 10eko 21:30ean sartuko da Korrika Getxon, eta 22:30ean helduko da Bizkaia Zubira.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun