Saharar umeak udan etxean hartzeko izena eman daiteke daborduko

Uztailean eta abuztuan etxean saharar umeak hartu gura dituztenek apirilaren 20ra arte izango dute izena emateko epea. Ekimena ATFAL Sahararen aldeko Getxoko Elkarteak antolatu du, Udalagaz elkarlanean.

“Bi familia ditut, bat Saharan eta bestea Euskal Herrian”, da aurtengo kanpainaren lema. Getxoko egoiliarrek, baita bertan lan egiten dutenek ere har dezakete parte. Umeak 10 eta 12 urte bitartekoak izango dira, Tinduf (Aljeria) errefuxiatu-kanpamentukoak.

Udalak adierazi du haien egunerokotasuneko “errealitate gordina” ahaztu ahal izango dutela umeek Getxon: “Adingabekoen oinarrizko beharrizanak asetzea da helburua”. Azterketa mediku orokorra, begietakoa eta hortzetakoa egingo diete. Euren bizilekuko klima gogorra saihestea ere helburuetako bat dela adierazi dute udal-iturriek. Bestalde, getxoztarren artean Saharako herriak bizi duen egoeraz “sentsibilitatea” sortzea ere bada asmoa.

Ekimenaren ezaugarriak eta informazio gehiago hemen ikusgai. Izena emateko, 658 751 359 telefonora deitu edo atfalgetxo@gmail.com helbidera mezu bat bidali.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun