Jarduera fisikoa erregulartasunez egiteak zenbait gaixotasun jasateko arriskua murrizten duela esan zuen Nekane Murga Eusko Jaurlaritzako Osasun sailburuak, ibilbidea amaitu orduko. Gainera, errutina osasungarria eroateko deia ere egin zien herritarrei: “Ariketa, elikadura eta ohitura osasungarriak dira osasuna zaintzeko errezetarik onena”.
Izan ere, Eusko Jaurlaritzaren datuen arabera, EAEn helduen heren batek baino ez du egiten ariketa fisiko nahikoa, osasun-egoera onean egoteko beste. Eta herritarrak beren osasunean gero eta inplikatuago daudela badirudi ere, oraindik “bide luzea” egiteke dagoela esan zuen sailburuak.
Ibilbidea atzo, hilak 7 egin zuten, Osasunaren Mundu Egunean. Telletxen hasi eta Bizkaiko Zubian amaitu zen martxa, eta hiru kilometro hartu zituen.