Nazioarteko Sokatira Federakundeko Kongresua egingo da aste honetan Getxon

Goiherri Sokatira Taldea Hegoafrikan ospatutako Munduko Txapelketan ©Goiherri

Lur gaineko Munduko Sokatira Txapelketa egingo dute 2020ko irailaren 16tik 20ra bitartean Getxon. Ekitaldia bi urtetik behin ospatzen da, eta Getxokoak bat egingo du federakundearen 60. urteurrenagaz.

Apirilaren 24tik 28ra bitartean, Nazioarteko Sokatira Federakundeko Urteroko Kongresua ospatuko dute Getxon. TWIF (Tug of War International Federation) federakundeko batzorde exekutiboak 25ean egingo du biltzarra, eta bariku eta zapatuan ospatuko dute kongresua. Guztira, 60 lagun bilduko ditu, eta lau kontinentetatik etorritako 22 herrialdetako ordezkariak etorriko dira, besteak beste, Alemania, Belgika, Eskozia, Gales, Ingalaterra, Irlanda, Letonia, Suedia, Hegoafrika, Nigeria, Haiti, Txina, Japonia, Malasia eta Taiwanetik. 

Kongresuaz gain, Munduko Sokatira Txapelketako antolakuntzan egingo du lan federakundeak, besteak beste, espazio eta baliabideak bisitatuz eta bertako azpiegiturak ikuskatuz. Izan ere, Getxon egingo dute 2020ko lur gaineko Munduko Sokatira Txapelketa.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun