Gazteria Zerbitzuak antolatutako udalekuetan izena emateko epea, zabalik

Getxoko herri-udalekuak, artxiboko irudian. © GETXOKO UDALA

Daborduko izena eman daiteke Getxoko Udalak 5 eta 12 urte bitarteko gazteentzat antolatutako herriko udalekuetan. Izen-emate epea maiatzaren 21era arte egongo da zabalik.

Aurreko urteetan bezala, udalekuak uztailan zehar eskainiko dira, bi asteko txandetan banatuta. Txanda bakoitzeko lau egunetan, txangoak egingo dira herritik kanpora. Txangoa dagoen egunetan ordutegia 9:00etatik 17:30era izango da, eta gainerakoetan 9:00etatik 14:00etara.

Behar bereziak dituzten umeek beharrezko laguntzak izango dituzte.

Getxoko Udalaren webgunean izena emateko aukera dago. Gainera, Herritarren Arretarako Bulegoetan eta Gazte Informazio Bulegoan ere izena emateko orriak eskuragarri egongo dira, nahi izanez gero, izena bertan emateko. Eskaera kopuruak plaza kopurua gaindituko balu zozketa egingo da. Haren emaitza maiatzaren 31n ezagutaraziko da.

Udalekuak Geroa Ikastolan,  LHI San Ignazio  eta LHI Romo ikastetxeetan eskainiko dira.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun