Ingurugiroko Hezkuntzako eta Kontsumitzaileen Elkarteak jakinarazi du Getxoko Ereaga eta Arrigunaga hondartzek bandera urdina izango dutela aurten ere. Denera, bost hondartzek lortu dute bereizgarria EAEn; Arabako Iparraldeko Garaio, Hegoaldeko Garaio eta Landa dira beste hirurak.
Getxoko Udalak adierazi du udalerriak ingurumenaren alorrean bete behar dituen baldintza batzuengatik ematen den ikurra dela bandera urdina: “Aurretik ezarritako estandar batzuk bete izana egiaztatzen du, tartean, bainatzeko uraren kalitate ona, garbitasuna, ingurumen informazio eta hezkuntza, segurtasuna, zerbitzuak eta instalakuntzak”.
Horrez gainera, udal-iturriek azaldu dute bandera urdinaren azken helburua dela “turismoaren garapen jasangarria eta ingurumenaren kudeaketa errepetutsua egitea”. Ereagak hamabigarrenez izango du bereizgarria, Arrigunagak, aldiz, hamargarrenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
