Hainbat jarduera antolatu dituzte Getxoko auzoetan maiatza eta ekaina bitartean. Maiatzaren 27an ipiniko dute lehen tailerra, Egur-taila, Aldai patronatuan (Karitate kalea 1, Algorta), 10 eta 12 urte bitarteko gazteentzat, 19:00etatik 20:30era. Egun eta leku berean, Marketeria-tailerra egingo dute 17:30ean, 6 eta 9 urte arteko umeentzat. Horrez gainera, maiatzaren 24an eta eta 31n, Iturgitxi parkean parkean eta Santa Eugenia plazan, hurrenez hurren, Parkean olgetan! egingo dute, 3 eta 12 urte bitarteko umeei zuzenduta; kartoizko egiturak eta mahai-jolasak ipiniko dituzte parke bietan. Bestalde, Txikitik Handira bertso-desafioa egingo dute Romo Kultur Etxean, ekainaren 10ean eta 17an, 8 eta 12 urte tarteko umeentzat.
Getxoko umeentzat hainbat jarduera prestatu dituzte maiatz eta ekainerako, Sendi proiektuaren barnean
Egizu elkarteak eta Getxoko Udalak Sendi ekimena antolatzen dute urtero. Helburu nagusia familietan euskara sustatzea dela azaldu du Udalak. Udaberriko doako tailerrak maiatzaren 27an hasi eta ekainaren 17an amaituko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun