Atzo, astelehenean, martxan ipini zuten Algortako Arene eta Areneondo kaleak lotzen dituen igogailua, Iturribarri Alango auzoagaz lotzeko laugarrena, alegia. Denera, obra horren aurrekontua 347.000 eurokoa izan da (BEZ barne).
Igogailu bertikal berriak 16 lagunentzako lekua du barruan, 8,7 metro igotzen ditu Areneondo kaletik Areneko aldameneko oinezkoentzako ibilbidera arte, auzoan eraikitzen ari den urbanizazio berriaren ondoan. Areneondo kalean, metroaren trenbide azpian dagoen beheko pasabidearen ondoan dago kokatuta, Alango kaleagaz lotzen diren hiru igogailu publikoen behealdean, 2011az geroztik zerbitzua ematen dutenak. Lau instalazio mekaniko horiekaz, guztira, 37 bat metroko tartea igaroko du, Areneondo eta Alango goialdearen artean.
Igogailu berriaren ordutegia gainontzeko igogailuen berbera da, hau da, 05:45etik 24:00etara.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
