Bigarrenez, Open Call deialdia egin dute Getxophoto jaialdiaren antolatzaileek, eta gaur jakinarazi dituzte irabazleen izenak. Sare sozialen bidez argitu dutenez, epaimahaiak bost irabazle aukeratu ditu, aurreikusita zeuden lauren ordez, "aurkeztutako lanen kalitate handia dela eta".
Post Homo Sapiens, etorkizuna programatu gaiaren inguruko argazkiak eskatu ditu Open Call-en bigarren edizioak. Gizateriaren etorkizunari eta etorkizun honek eskaintzen dituen aukerei buruz gogoeta egitea da aurtengo Getxophotoren gaia, izan ere. 35 herrialdetatik bidalitako 197 lan jaso dituzte denera. Bost kide izan ditu epaimahaiak, horien artean Monica Allende Getxophotoko zuzendari artistikoa.
Haley Morris-Cafiero, Jaakko Kahilaniemi, Federico Stol, Claudia Gori eta Ezio D´Agostino izan dira aukeratutako bost argazkien egileak. Euren lanak ikusbide izango dira hurrengo Getxophoto jaialdian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
