Sei urtetik gorako 30 umek parte hartu dute Basque Team Fundazioak eta ETBko Hiru3 klubak antolatutako askotariko kirolen jardunaldian. Horretan, Basque Teameko enbaxadore eta kirolariek lagunduta, hainbat kirol-diziplina probatu ahal izan dituzte neska-mutilek.
Basque Team Fundazioak eta ETBko Hiru3 klubak antolatuta, askotariko kirolen jardunaldia egin dute aste-akabu honetan Fadurako Hobekuntza Teknikorako Zentroaren instalazioetan. Alberto Iñurrategi alpinistak, Nerea Agirre Getxo errugbi taldeko jokalariak, Odei Jainaga xabalina jaurtitzaileak eta Iker Sastre mahai-tenis egokituko jokalariak, Basque Teameko kirol teknikariakaz batera, kirolen nondik norakoak azaldu dizkiete eta praktikan nola jarri behar diren erakutsi diete.
Jarduera "Baloreetan BAT" proiektuaren barruan kokatzen da. Proiektu horren bitartez goi mailako kirol ez profesionala enpresen esparrura eta hezkuntzara hurbildu gura da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun