Domeka honetan, hilaren 26an, 5. Paddle Surf Festival jaialdia egingo dute Getxoko Kirol Portuan, 10:00etatik aurrera. Northwind klubak antolatu du saioa, Getxo Kirolaken eta Euskadiko Surf Federazioaren lankidetzagaz.
Hainbat proba ofizial antolatuko dira, arraun surfeko Euskadiko Sup Race Zirkuiturako balioko dutenak, 13 kilometrora bitarteko distantzietan. Horrez gainera, 6 kilometroko ibilbide herrikoia eta haurrentzako beste distantzia laburragoak ere antolatuko dira.
Inskripzioei buruzko informazioa: clubnorthwindgetxo@gmail.com.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!