Europako Txapelketa Absolutuan lehiatuko dira Virginia Díaz eta Ondiz Lekubarri Raspaseko arraunlariak

Ondiz Lekubarri. © Raspas

Luzernan (Suitza) jokatuko dute talde getxoztarreko jokalariek arraun olinpikoko Europako Txapelketa Absolutua, aste-akabuan. Espainiako selekzioagaz joango dira.

Díaz lemazain gabeko bikoan lehiatuko da, Aina Cid kataluniarragaz batera; Lekubarri, ordea, skiffean, pisu arineko kategorian. Arraunlari biek txapelketari “gogo handiz” ekingo diotela adierazi du Raspasek.

“Virginiaren aukerak handiagoak dira, lehenengo hiruren artean sailkatu eta domina lortzeko asmoa baitu”, gehitu dute. Lekubarri, berriz, “ikasteko eta eskarmentua bereganatzeko” asmoagaz joan dela dio arraun-taldeak: “Hilabete bakar batean prestatu du txapelketa”.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun