Kultura  Getxo 2019-06-05 14:35

Idaztea gustoko dutenentzako egitasmo berezia antolatu dute Getxon

Iker Rincon Moreno

Sortu berri duten IdaZaleen Txokoari hasiera emateko lehenengo topaketa egingo dute bihar, eguenean, Algortako Villamonte kultur etxean, 19:00etatik aurrera. Ekimena Egizu euskara taldeak bultzatu du, Irakurzaleen Txokoko kideakaz batera.

Idaztea gustoko dutenentzako egitasmo berezia antolatu dute Getxon
Lehenengo saioa egingo dute eguenean, hilaren 6an, Villamonte kultur etxean. | Ikusi handiago | Argazki originala

Egitasmo horren helburua da idatz-zaletuak bilatzea eta elkarregaz sormena garatzea. Horretarako, taldean parte hartuko dutenek Garazi Basterretxearen laguntza izango dute prozesu horretan.

Antolatzaileek iragarri dutenez, tailerra atal bitan banatuta egongo da:

  • Tarte teorikoa, estrategia narratiboak lantzeko.
  • Tarte praktikoa, adibideak aztertzeko eta idazleak konparatzeko, besteak beste.

Biharko saioa froga izango dela iragarri dute antolatzaileek. Hala, emaitzaren arabera, datorren ikasturtean zehar hilez hil IdaZaleen Txokoa egotea eta, etorkizun batean, sortutako testuen bildumagaz zerbait argitaratzea da asmoa.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa