Martxa-zikloturista ez lehiakorra egingo dute domekan Getxon

Klasikaren artxiboko irudia. © GETXOKO UDALA

Punta Galea Txirrindulari Elkarteak XXXIV. Klasika Punta Galea antolatu du domeka honetarako, hilaren 9rako, Getxo Kirolaken laguntzagaz. Horretan parte hartu gura duenak izena eman dezake daborduko.

Domekako martxa-zikloturista ez da lehiaketa. Andra Mariko kiroldegiaren aurretik irtengo da eta helmuga ere toki berean izango du. Guztira 105 kilometro egin beharko dituzte txirrindulariek eta Aretxabala, Gerekiz, Sollube (igoera kronometratua), Emerando, Jata, Andraka eta Gatzarriñetik igaroko dira. Ibilbideko zailtasunik handiena Sollube eta Aretxabala gainetan dago, 396 eta 330 metroko mendateak, hurrenez hurren. Proba 09:00etan hasiko da.

Izen-ematearen prezioa 35 eurokoa da federatuentzat eta 45 eurokoa federatu ez direnentzat. Izena www.puntagalea.com web gunearen bitartez eman daiteke, edo zapatuan, hilaren 8an, 17:00etatik 20:00etara bitartean Andra Marin, edo probaren egun berean 07:30etik aurrera Andra Mariko kiroldegian ere.

Sollubeko igoera kronometratuan garaikurra emango zaie hiru denbora onenei, emakume zein gizonezkoetan, opariak zozkatuko dira txirrindularien artean eta inskripzioa egindakoan Klasikoaren maillota ere oparituko da.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun