Yogaren Nazioarteko Eguna ospatuko dute zapatuan Getxon

Yoga klase bat, artxiboko irudian.

Denera, yogako 18 eskola eta profesionalek parte hartuko dute zapatuan, hilaren 22an, Algortako Fadura kiroldegian izango den topaketa irekian. Jardunaldia 10:00etan hasiko da, eta 19:30era arte egongo da zabalik.

Udalerriko eta inguruko zentroek Yogaren Nazioarteko Egunagaz bat egiteko prestatu duten programaren barruan, 25 lantegi eta berbaldi eskainiko dira, herritar guztientzat eta ikuspegi ezberdinakaz: yoga terapeutikoa, meditazioa, erlaxazioa eta luzatze-ariketak, besteak beste.   

Jardunaldiari 10:00etan emango diote hasiera, eta aldi berean 5 gunetan garatuko da, 19:30era bitartean. Programa ixteko, meditazioa egin eta kontzertu bat eskainiko dute.

Jarduera guztiak doakoak dira, sarrera librekoak. Programa osoa ezagutzeko Getxo Kirolaken web orrira jo daiteke.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun