Domekan, hilaren 30ean, Gerrarien Desafioa izeneko lehiaketaren agertoki izango dira Portu Zaharra, Arrigunaga eta Galea. Oztopo-lasterketa da hori eta 2.400 pertsonak parte hartuko dute.
Herri-proba 6 kilometroko zirkuitu batean egingo da eta 22 oztopo izango ditu. 12 kilometroko proban, berriz, 29 oztopo gainditu beharko dira. Lasterketa 150 pertsonako serietan lehiatuko da eta aurreikusita dago lehenengoa Portu Zaharretik abiatzea, 10:15ean. Azkena 12:30ean hasiko da.
Hori dela eta, lasterketa egingo den egunean, domekan, Portu Zaharreko sarbidea itxita egongo da ibilgailuentzat goizeko lehen ordutik 15:00etara.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
