Antolatzaileek aurreikusitako egitarauaren arabera, Txalabira irailaren 7an hasiko da, Algortan. Goizeko 09:00etan txalaparta joaldi bat egingo dute, eta bideari ekingo diote. Berango, Larrabasterra, Sopela, Barrika, Plentzia eta Gorliz herrietatik pasako dira lehenengo egunean, udalerri horietako plazaren batean geldialdiak eginez txalaparta jotzeko eta ordubeteko tailerrak egiteko. Lehenengo gaua Gorlizen egingo dute, aterpetxe batean. Hala, hurrengo egunean, irailaren 8an, Armintzarako bidea egingo dute, azkenengo txalaparta-tailerra egiteko eta bazkaltzeko.
Txalaparta Uribe Kostara zabaltzeko, Txalabira
Uribe Kostako herri denetan txalapartaren aldeko kultura bultzatzeko Txalabira antolatu du Algortako UKTEST taldeak datorren irailaren 7rako. Algortatik abiatuta, bi eguneko ibilaldia egingo dute herririk herri, Armintzara arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun