Epaimahaiak sei finalista aukeratu ditu Portu Zaharreko jaiak irudikatzeko. Herri-bozketa 12:00etatik 20:00ak arte izango da Etxetxun; bertan, aukeratutakoez gainera, lehiaketara aurkeztu diren kartel denak ikusi ahalko dira.
Sariak iluntzeko 21:00etan banatuko dituzte, Portu Zaharreko Etxetxun bertan, bozketa amaitu ondoren. Bozka gehien jasotzen dituen kartelak Portu Zaharreko jaiak irudikatuko ditu eta haren egileak 350 euroko saria jasoko du; bigarren bozkatuenak, aldiz, 150 euro jasoko ditu. Era berean, parte-hartzaile denen artean pertsona birentzako bina afari edo bazkari ere zozkatuko dituzte.
Aurkeztu diren kartelen artean ondoko hauek izan dira epaimahaiak aukeratu dituen 6 finalistak:
- Antzarrak
- Mi
- Mome
- Oliben Jaia
- Sardinera
- Zuri, Berde eta Gorri
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
