Emangiltza ekimenaren inkesta bete zuten getxoztarren artean zozkatu dute saria. Egitasmo horren helburua da familiek seme-alaben hizkuntza ohituretan duten eraginaren garrantzia nabarmentzea, baita ondorioz euskararen transmisioan duena ere.
Irantzu Uriarte Getxoko Euskara zinegotziak eman dio gaur goizean Nekane Viota getxoztarrari euskarazko liburuen eta jolasen otzara (100 euroko baliokoa). Alkarbide, Bizkaiko Euskara zerbitzuen bilguneak, tartean Getxoko Udalarenak, antolatutako ekimen horren helburua da familiek seme-alaben hizkuntza ohituretan duten eraginaren garrantzia nabarmentzea, eta baita ondorioz euskararen transmisioan duena ere. Horretarako, ekimenaren webgunean familientzako baliabideak eta zalantzak argitzeko aholkuak eskaintzen dira, euskararen erabiltzea sustatze aldera.
Proposatutako inkestak familien hizkuntza ohiturei eta Emangiltza ekimenaren gaineko iritziei buruzko galderak zituen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
