Getxoko gazteak ere zurrumurruen kontra

Zurrumurruen aurkako gazte topaketa bat, artxiboko irudian.

Getxoko 15 gazte eta begirale bat ari dira parte hartzen egunotan, Madrilen, egiten ari den Zurrumurruen Aurkako Gazteen IV. Topaketan

Topaketa hori espainiar Estatuko hainbat udalen eta zurrumurruen kontrako estrategiaren, Europako Kontseiluaren eta Madrileko Gazteriaren Kontseiluaren laguntzari esker antolatu da.

Hala, domekara bitartean, 52 gaztek (13 eta 20 urte bitartekoak) eta Getxo, Bilbo, Barakaldo, Iruñea eta Tenerifeko bost begiralek hausnarketa egingo dute kulturarteko gizartea eraikitzeko gazteriak jokatzen duen paperari buruz. Euren esperientziak eta ideiak ere emango dituzte zurrumurruak errotik kentzeko eta kulturartekotasunaren aldeko lanetan gazteen papera indartzeko.

Topagune horretan, zurrumurruen kontrako Escape Room bat diseinatuko dute, ondoren euren herrietara eramango dutena; hainbat jardueratan ere parte hartuko dute, hala nola sormen tailerretan eta antzeztutako esperientzietan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun