"Aldaketa klimatikoari aurre egiteko denbora agortzen ari zaigu", ohartarazi du koalizio abertzaleak gaur goizean egindako ekimenean. Hori irudikatzeko hainbat izotz zati erraldoi ipini ditu Algortako Telletxe plazan, urtzen. "Hori da gure planetarekin gertatzen ari dena. Urtzen ari da. Gure planeta txikitzen ari gara. Eta egoera iraultzeko, ezinbestekoa sistema aldatzea", azaldu du EH Bilduk. Talde horrek gogoratu duenez, Larrialdi Klimatiko egoera deklaratzeko eta aldaketa klimatikoaren kontra konpromiso zehatzak hartzeko mozioa aurkeztu zuen Getxoko Udalbatzan; "zoritxarrez, EAJ, PP eta PSE-EE hirukoa kontra agertu zen eta gure proposamena ez zen onartu. Izan ere, alderdi horiek dira erraustegiak eraikitzen dituztenak, AHT eta Supersur bezalako proiektu txikitzaileak eraikitzen dituztenak, besteak beste".
Gaur egun munduak bizi duen larrialdi klimatikoa azaleratzeko ekimena egin du gaur goizean Getxoko EH Bilduk Algortako Tellexe plazan. Horretarako, hainbat izotz zati erraldoi ipini ditu bertan, denon aurrean urtzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun