Gaur goizaldeko 03:30ak aldera izan da sutea, eta adimen urritasuna duten pertsonentzako Foru Aldundiaren egoitza bat hustu behar izan dute. Handik gertu dagoen beste zentro batera eraman dituzte kaleratutako bizilagun denak; sua itzalita, denak euren etxeetara bueltatu dira.
Bestalde, sua amatatzera zihoan suhiltzaileen kamioi batek istripua izan du, Getxoko auzo horretan bertan. Aparkatuta zeuden sei kotxeren kontra jo du ibilgailuak, eta ondoren, eraikin bateko hormaren kontra jo du. Horren ondorioz, suhiltzaile bat zauritu egin da, larritasunik gabe.
Sute horrek inguruan zeuden lau ibilgailu kaltetu ditu eta Udaltzaingoa horren inguruan ikertzen dabil orain.
Santa Eugenia kaleko suteaz gainera, gutxienez beste bost edukiontzi erre dituzte Ibaigane kalean.
GETXO. Ibaigane inguruan
— SOS Deiak - 112 (@112_SOSDeiak) October 4, 2019
Zabor eta erreziklapen kontainer ontzi batzuen sutearen ondorioz, auzokideak etxetik irtenarazi behar izan dituzte. Larrialdi zerbitzuak bertan lanean. #Sutea pic.twitter.com/PKTXRiUOZ7