"Mila zapore" tailerrerako eta “Bizilagunak, aldameneko familia” ekimenerako izen-ematea, zabalik

"Bizilagunak" ekimenaren bazkarietako bat, artxiboko irudian. © GETXOKO UDALA

Bizikidetza hobetzea eta aniztasuna aprobetxatzea dira datozen asteotarako antolatutako Mila zapore eta Bizilagunak, aldameneko familia bazkarien helburuetako batzuk.

Jarduera biak Bizilagunak elkartzeko zubiak ekimenaren barruan kokatzen dira, Getxoko Udalak, Egizu Getxo Euskaldun elkarteak eta Getxoko Etorkinak Federazio Plataformak antolatuta, Eusko Jaurlaritzaren laguntzagaz.

Mila zapore kulturarteko gastronomia-tailerra urriaren 25ean izango da, Azebarri kultur elkartearen egoitzan. Egun horretan, hainbat irakaslek (bertakoak zein kanpokoak) errezeta desberdinak irakatsiko dituzte, eta saioa amaitutakoan, egindako mokaduak dastatu egingo dituzte parte hartzaileek.

Bestalde, Bizilagunak bazkariak azaroaren 17an, domekan, egingo dute. Topaketa bakoitzean bertoko familia bat, atzerritik heldutako familia bat eta bazkaria antolatzen lagunduko duen dinamizatzaile bat elkartuko dira, bazkari bat partekatzeko, harremanak eta bizikidetza sustatzeko, eta aldi berean, aniztasuna ospatzeko.

Jardueretan parte hartu gura duten pertsonek izena eman dezakete www.getxo.eus/bizilagunak webgunean edo 644 277 155 telefono zenbakian.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun