Datorren urriaren 27ra arte Cálamos y viñetas: Cómic árabe en movimiento izenburupeko erakusketa egongo da ikusgai Torrene erakusketa aretoan, Zurrumurrurik Ez Estrategia eta Komiki Azokaren arteko elkarlanaren barruan. Freskotasuna, irudimena, berritasuna eta ausardiaz beteko komikiek osatzen duten erakusketa Etxe Arabiarraren eskutik helduko da. Bestalde, toki berean, baina urriaren 19an, 12:00etan, Mundu arabiarraren iruditeria gaztelaniazko komikietan izeneko mintegia izango da, Pedro Rojo, Al Fanar Fundazioko kide eta aipatutako erakusketaren komisarioaren eta Pilar Garrido, Murtziako Unibertsitateko Ikasketa Arabiarren irakaslearen eskutik. Bertan gazteleraz argitaratutako komikietan agertzen den mundu arabiarrari, egile arabiarrei, arabiarrak marrazten dituzten mendebaldeko egileei, estereotipoei eta abarri buruz eztabaidatuko da.
Getxoko Udalak sustatuko ekimen horien helburua da arlo desberdinetatik xenofobia eta diskriminazioa prebenitzeko eta, aldi berean, bizikidetza eta kultur aniztasuna hobetzeko lan egitea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun