“Kontatu erretratu hau” tailerra martxan jarriko dute gaur, Itzubaltzeta/Romon

Saioetan, Udal Liburutegiko Artxiboko argazki zaharrak proiektatuko dira pantaila batean, parte hartzaileek horien inguruan dakiten guztia (data, pertsonak, tokia, arrazoia, eta.) azaltzeko. Helburua da irudiari buruzko informazioa lortzea, era horretan, udalerriko memoria historikoa aberasteko.

Gaur, eguaztenean, Kontatu erretratu hau izeneko tailerra martxan jarriko da Romo Kultur Etxean, Getxoko Udalak 60 urtetik gorakoentzat antolatutako jardueren egitarauaren barruan. Saio horietan, Udal Liburutegiko Artxiboko argazki zaharrak proiektatuko dira pantaila batean, parte hartzaileek horien inguruan dakiten guztia (data, pertsonak, tokia, arrazoia, eta.) azaltzeko. Helburua da irudiari buruzko informazioa lortzea, era horretan, udalerriko memoria historikoa aberasteko.

Getxo Lagunkoia programaren barruko doako tailerraren saioak urriaren 16an, azaroaren 6an eta 20an, eta abenduaren 12an, izango dira, 17:30etik 18:30era. Interesatuek aipatutako orduan agertu beharko dira, ez baita aurretiko izen-ematea egin behar.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun