Emakume bat erreskatatu dute Getxoko itsasadarrean

Emakumea Tomas Olabarri kaiaren inguruan erreskatatu dute.

Adineko emakumea Areetako Tomas Olabarri kaiaren inguruan erreskatatu zuten atzo, eguenean. Eusko Jaurlaritzako Segurtasun Sailak jakinarazi duenez, Gurutzetako ospitalera eraman zuten eta bere egoera larria da.

Atzo, eguenean, arrastiko 13:30ak inguruan, adineko emakume bat aurkitu zuten Getxoko itsasadarrean ur gainean. Hori ikusita, inguruan zeuden herritarrek larrialdi zerbitzuak ohartarazi zuten. Hala, emakumea erreskatatu, uretik atera eta Tomas Olabarri kaian bertan suspertu egin zuten; segituan Gurutzetako ospitalera eraman zuten. Emakumearen egoera larria da.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun