Iazko edizioak mila atleta baino gehiago izan zituen lehian. Gizonezkoetan, Real Sociedadeko Hassan Oubaddi izan zen garailea, 26 minutu eta 42 segundoko denbora eginda (lasterketako errekorra gainditzeko 16 segundora gelditu zen), Kamali Majdoubi eta Ahmed Moujane gainditu zituena. Emakumezkoetan, Bilbao Atletismo taldeko Majida Maayou izan zen irabazlea, 31 minutu eta 26 segundoko erlojupekoagaz, Andrea de la Torre eta June Arbeoren aurretik. Aimad Bouzianek eta Maider Fernandezek beteranoetan, Pedro Sellaresek eta Uxue Agirrek gazteetan, eta Igor Ruizek eta Garbiñe Ballesterosek juniorretan, Memorialeko garaileen nomina osatu zuten.
Itziar Lopez de Uralde Oroi-lasterketa egingo dute domekan
Getxo Atletismo Taldeak antolatutako proba Faduran hasiko da 11:00etan, eta udalerriko auzoetan barrena 9 kilometro egin ondoren Fadurara bertara itzuliko da, atletismo pistako helmugara. Lasterketa hasi baino lehen, 10:30ean, lekukotasun-proba egingo da, 2 kilometrokoa, haurrei eta familiei zuzendua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun